Soda daxili piylənməyə səbəb olur

Gündəlik 1 litr kola (və ya hər hansı soda) istehlakı insanı qaraciyərdə və qarın əzələlərində piy konsentrasiyasının artması ilə təhdid edir və bu da öz növbəsində şəkərli diabet və ürək-damar xəstəliklərinə səbəb olur. Orhus Universiteti Xəstəxanasının danimarkalı alimləri bu qənaətə gəliblər.

Mütəxəssislər artıq çəkidən əziyyət çəkən 47 könüllüdən ibarət qrupu alt qruplara bölüblər və onlar altı ay ərzində hər gün müvafiq olaraq bir litr su, süd və kola içiblər. Təcrübənin sonunda alimlər belə qənaətə gəliblər ki, kola içən insanların daxili orqanlarını əhatə edən yağ konsentrasiyası tədqiqata başlamazdan əvvəllə müqayisədə 25% daha çox olub, onların qaraciyərində və əzələlərində yağ miqdarı isə demək olar ki, iki dəfə artıb. Mütəxəssislər tez-tez bu cür metamorfozları metabolik sindrom və tip 2 diabetlə əlaqələndirirlər.

Unutmayaq ki, daxili orqanları əhatə edən piylər (buna ektopik də deyilir) çox təhlükəli hesab olunur. Subkutandan fərqli olaraq, orqanların normal işləməsinə imkan vermir. Alimlər isə öz növbəsində həftədə üç qutudan çox olmayan soda içməyi məsləhət görürlər.