Hamiləlik dövründə işləmək doğmamış körpəyə zərər verir

ABŞ-dan olan alimlər müəyyən ediblər ki, hamiləlik dövründə, xüsusilə ayaq üstə çox vaxt sərf etməli olduqları vəzifələrdə işləyən qadınlar fiziki cəhətdən zəif uşaq dünyaya gətirmək riski daşıyırlar.

Araşdırmaya görə, hamiləlik dövründə oxşar işlərdə çalışan anaların körpələrinin başları digər uşaqlara nisbətən daha kiçik olub. Tədqiqat üçün həkimlər 4 min hamilə qadının tibbi məlumatlarını təhlil etdilər, həmçinin ultrasəs ilə dölün böyüməsini qeyd edərək iş şəraiti haqqında ətraflı söhbət etdilər.

Məlum olub ki, ayaq üstə çox vaxt keçirən qadınlar baş ətrafı daha kiçik olan körpələr dünyaya gətirib. Alimlər hamilə qadınların həftədə təxminən 40 saat ayaq üstə qaldıqları iş növlərini təhlükəli hesab ediblər. Beləliklə, satıcılar, müəllimlər, konduktorlar, həkimlər və digər fəaliyyət sahələrinin nümayəndələri hamiləlikdən əvvəl iş yerlərini dəyişdirmək barədə düşünməlidirlər.

Qadınların təxminən 50%-i uşaq daşıyarkən çox gəzməli olduqlarını, 6%-i ağır iş gördüklərini, 3%-i isə hətta gecə növbəsində işlədiklərini etiraf edib.

Həkimlər belə qənaətə gəliblər ki, ana və uşaq üçün ayaq üstə işləmək üçün təhlükəsiz hədd həftədə 36 saatdır.

Mənbə: medvesti.com