Evrika! Yaşlılıq həbi ixtira etdi

ABŞ-ın Nyu-York şəhərində yerləşən Albert Eynşteyn Tibb Kollecinin alimləri insanları Alzheimer, diabet, ürək xəstəliklərindən xilas edə biləcək və ömrü 100 ilə qədər uzada biləcək super dərman yaratmağa yaxındırlar.

Tədqiqatçılar uzun və sağlam həyatı təmin edən, həmçinin qocalma ilə bağlı xəstəliklərin inkişafının qarşısını alan üç geni müəyyən edərək belə bir dərman hazırlaya biliblər. DNT-si hər üç geni ehtiva edən insanların Alzheimer xəstəliyindən əziyyət çəkmə ehtimalı 80% azdır. Bu genlər həm də insanı siqaretin, pis qidalanmanın, piylənmənin və hərəkətsizliyin təhlükəli təsirlərindən qoruyur.

Hazırda bir neçə laboratoriyada super həblərin yaradılması üzərində iş aparılır - alimlər bu genlərin fəaliyyətini təqlid edəcək kompozisiya tapmaq istəyirlər.

Keçən il Hindistan infarkt və insultdan qoruya bilən ucuz dərmanı sınaqdan keçirdi. Testlər göstərdi ki, polipill ürək xəstəliyi riskini 80% azaldır, orqanizm üçün təhlükəsizdir və yaxşı sorulur.

Keçən il o da məlum oldu ki, göbələk əleyhinə maddə olan rapamisin həyat eliksirinin xüsusiyyətlərinə malikdir. Təcrübə zamanı amerikalı tədqiqatçılar qoca siçanlara rapamisin veriblər. Nəticədə onların ömrü 28-38% artıb. Alimlər rapamisinin bu təsirini dərmanın hüceyrə mübadiləsini bloklaması və qocalmanı ləngitməsi ilə izah edirlər.

Beləliklə, elm adamları insanın aktiv və sağlam həyatını uzadan gənclik və uzunömürlülük eliksirini yaratmağa yaxınlaşıblar. Bu sahədə araşdırmalar davam edir.