Əhəmiyyətli qərarlar ac ikən verilməməlidir.

Alman alimləri mühüm qərarların ac qarına qəbul edilməməsi qənaətinə gəliblər. Onların fikrincə, aclıq insanı lazımsız risklərə sövq edir.

Aclıq və toxluq anında beynin müxtəlif hissələri qərar qəbul etməkdən məsuldur. Alimlər meyvə milçəkləri üzərində eksperiment aparıblar ki, bu da onlara insanları lazımsız risklərə məcbur edən bütün mexanizmi anlamaq imkanı verib.

Bu həşəratlar instinktiv olaraq karbon qazından qorxurlar. Məlum olub ki, həşəratlar aclıq hiss etdikdə, yaxınlıqda karbon qazının olmasına baxmayaraq, yeməyə gedirlər. Alimlər bunu sinir sisteminin iki hissəsi arasında uzlaşmanın nəticəsi adlandırır və eyni şeyin insanlarda da baş verdiyini izah edirlər.