30 yaşından əvvəl siqareti tərgitmək qadınların həyatını xilas edəcək

Britaniya alimləri müəyyən ediblər ki, 30 yaşına kimi siqareti buraxan qadınlar orta hesabla ömrünün yalnız bir ayını itirirlər; gələcəkdə pis vərdişdən əl çəkməyənlər - ən azı 10 il.

Tədqiqatçılar bu qənaətə ötən əsrin 50-60-cı illərində siqaret çəkməyə başlayan bir milyondan çox qadın üzərində aparılan 15 illik araşdırmaya əsasən gəliblər.

Elmi araşdırmanın nəticələri Britaniyanın Lancet tibb jurnalında dərc olunub.

Oksford Universitetindən aparıcı tədqiqatçı ser Riçard Peto deyib: “Orta yaşdan əvvəl siqareti dayandıran kişi və ya qadın siqaret çəkənlər orta hesabla 10 ilə qədər ömür saxlayırlar”.

Mənbə: bbc.co.uk