Alimlər əbədi gəncliyin sirrini tapıblar

İnsanlar nəsillər boyu əbədi gəncliyin açarını tapmağa çalışsalar da, indiyədək buna nail ola bilməyiblər. Lakin alimlər sirri həll etməyə bir addım daha yaxınlaşdıqlarını düşünürlər. Yeni araşdırmalar sübut etdi ki, beynin qocalma prosesini idarə edə bilən sahəsi var. Tədqiqatçılar hesab edirlər ki, beynin aclıq, susuzluq, bədən istiliyi və yorğunluğa nəzarət edən sahəsi olan hipotalamus yaşa bağlı dəyişiklikləri idarə edən bir növ “qocalma fəvvarəsi” rolunu oynaya bilər.

Eynşteyn Tibb Kollecinin alimləri bəzi yaşa bağlı xəstəliklər üçün siqnal rolunu oynayan, həmçinin qocalıqla mübarizə aparmağa və gözlənilən ömür müddətini tənzimləməyə kömək edən xüsusi bir yol kəşf etdiklərini iddia edirlər. Alimləri çoxdan maraqlandırırdılar ki, qocalma bir-birindən asılı olmayaraq müxtəlif toxumalarda baş verir, yoxsa bu proses bir orqan tərəfindən tənzimlənir. Yeni araşdırmalar sayəsində qocalmanın əksər aspektlərinin hipotalamus tərəfindən idarə olunduğu aydın oldu.

Beynin dərinliyində yerləşən hipotalamusun böyümə, inkişaf, çoxalma və maddələr mübadiləsində əsas rol oynadığı bilinir. Yaşla, müxtəlif toxumalarda iltihab meydana gəlir. İltihab metabolik sindrom, ürək-damar xəstəlikləri, nevroloji xəstəliklər və bir çox xərçəng növləri kimi yaşa bağlı xəstəliklərdə də iştirak edir. Və bunun üçün hipotalamus cavabdehdir. Siçanlar üzərində aparılan bir araşdırma göstərdi ki, hipotalamusda bu yolu bağlasanız, qocalma prosesini 20% ləngidə bilərsiniz.

Mənbə: raut.ru