Bhapal, Çernobıl, Spitak, Nefteqorsk və Atlanta faciələrini böyük narahatlıq hissi ilə xatırlayırıq. Bu hadisələrin miqyası ayrı-ayrı ölkələrin hüdudlarını aşdı. Bu fəlakətlərdə baş verən insan tələfatları bütün dünya insanlarının qəlbində ağır kədərlə əks-səda doğurdu.
Tibbi mənada fəlakət insanların sağlamlığı və həyatı üçün son dərəcə təhlükəli olan qəfil, sürətlə baş verən hadisədir. Fəlakətlərin əsas tibbi nəticələri çoxlu sayda qurbanların baş verməsi, insanlarda psixi pozğunluqlar, təcili tibbi yardım ehtiyacı ilə onun həyata keçirilməsi imkanları arasında uyğunsuzluqdur.
Fəlakətlərin səbəbləri təbii fəlakətlər (zəlzələlər, daşqınlar, qasırğalar və s.), texnogen (partlayışlar, yanğınlar) və nəqliyyat qəzalarıdır.
Hər bir təbii və ya süni fəlakət insanlara böyük bədbəxtlik gətirir. Əgər insan bu bədbəxtliyə hazır olmasa, onun bütün həyat yolu çökə bilər.
İnsanlar bədbəxtliyin onlardan başqa hər kəsin başına gələ biləcəyinə inanmağa öyrəşiblər, ona görə də buna hazırlaşmırlar. Bəla gələndə isə çoxsaylı xəsarətlər və dağıntılar qarşısında dəhşətə gəlməmək mümkün deyil. Belə bir bədbəxtliyə əvvəlcədən hazırlaşmaq lazımdır. Ailənizin hər bir üzvü fəlakətdən əvvəl, zamanı və sonra nə etməli olduğunu bilməlidir.