Qadınlar, diqqət! Pəhrizlər beyninizi yeyir

Qadınlar, diqqət! Pəhrizlər beyninizi yeyir.

Amerika alimləri belə qənaətə gəliblər ki, pəhriz saxlayan insanlarda beyin öz hüceyrələrini udmağa məcbur olur. Eyni zamanda aclıq hissi daha da güclənir.

Nyu Yorkdakı Yeşiva Universitetinin Albert Eynşteyn Tibb Kollecində aparılan araşdırmaya görə, insan bədəninin digər hissələri kimi beyin hüceyrələri də aclığın təsirlərini aradan qaldırmaq üçün son enerji mənbəyindən yararlanmaq üçün özlərini yeməyə başlayırlar. Bu proses autofagiya adlanır və hüceyrənin daxili komponentləri pozulur.

Bədən beynə aclığı göstərən bir impuls göndərməzdən əvvəl qanın tərkibindəki dəyişiklikləri izləyir və qlükoza, amin turşuları və yağ turşularının miqdarına reaksiya verir, bundan sonra yemək ehtiyacı haqqında siqnal göndərir.

Nəticələri Cell Metabolism elmi jurnalında dərc edilən araşdırmaya görə, qidadan məhrum siçanlar üzərində aparılan təcrübələr göstərib ki, autofagiya prosesinə müdaxilə edilərsə, aclıq hissi artmayacaq. Siçanların beyinlərində baş verən kimyəvi dəyişikliklər orucluq dövründə heyvanların daha yüngül və arıq olmasına səbəb olub.

Tədqiqata rəhbərlik edən professor Racat Sinqh inanır ki, kəşf daha effektiv arıqlama üsullarının inkişafına səbəb ola bilər. Alimin fikrincə, kimyəvi maddələrdən istifadə edərək hüceyrə üçün lazımi şəraitin yaradılmasına yönəlmiş səylər iştahı tənzimləməyə kömək edəcək. Bu, insana daha az aclıq hiss etməyə və eyni zamanda bədəndə düzgün enerji balansını saxlamağa imkan verəcəkdir.