Diqqət! Arıqlamaq üçün cəhd etməyin mənası yoxdur

Diqqət! Arıqlamaq üçün cəhd etməyin mənası yoxdur.

Yapon və Kanada alimləri araşdırma aparıb və müəyyən ediblər ki, hansı çəki insana ən uzun ömür verir. Məlum olub ki, artıq çəkisi olan insanlar ən uzun yaşayır.

Portlend Universitetinin kanadalı alimləri 11,3 mindən çox insanın nümunəsi ilə bədən kütləsi indeksi ilə ölüm nisbəti arasındakı əlaqəni araşdırıblar. Tədqiqat 1994-2007-ci illərdə aparılıb. Məlum olub ki, arıq insanların uzun ömür sürmə şansı normal çəkidə olan biri ilə müqayisədə 70% azdır. Şişman insanların şansı 36% azdır. Eyni zamanda, bir qədər artıq çəkisi olan insanların ən uzun yaşamaq şansları 17% artır.

Bu araşdırma həyat keyfiyyətini deyil, yalnız ölümü əks etdirir. Mütəxəssislər insanlara piylənmənin bir çox mənfi nəticələrini, o cümlədən yüksək təzyiq, yüksək xolesterin və şəkərli diabeti xatırladırlar.

Oxşar araşdırma Tohoku Universitetinin Tibb Fakültəsinin yapon alimləri tərəfindən aparılıb. Onlar 12 il ərzində ölkənin şimalındakı Miyaqi prefekturasında yaşayan 40-79 yaş arası 50 min insanı müşahidə ediblər. Onlar müəyyən ediblər ki, 40 yaşına qədər bir qədər artıq çəkili olanlar çox arıq olanlardan orta hesabla 6-7 il daha çox yaşayırlar. Kök insanlar isə arıq insanlardan beş il daha çox yaşayırlar.

Bədən kütləsi indeksi 18,5-dən aşağı olan insanlar arıq sayılırlar. Normal çəki indeksi 18,5-25 aralığında olan insanlar üçündür. 25-30 az çəkisi olan insanlardır. İndeksi 30-dan çox olan insanlar obezdir.