Gündə 8 saatdan çox işləmək infarkt keçirməyə səbəb olur

Daimi həddən artıq işləmək sağlamlığınıza dəyərmi? Tədqiqat göstərib ki, bir insan gündə səkkiz saatdan çox işləyirsə, onun ürək xəstəliyinə tutulma riski 80% artır.

Finlandiya İş Sağlamlığı İnstitutunun mütəxəssisləri 1958-ci ildən bu günə qədər dünyanın hər yerindən 22 min insanın iştirak etdiyi 12 araşdırmanı təhlil ediblər. Təhlil göstərdi ki, əgər kimsə gündə ənənəvi səkkiz saatdan çox iş qrafikinə əməl edərsə, bu halda ürək xəstəliyinin, xüsusən də infarktın inkişaf riski 40%-dən 80%-ə yüksəlir.

Tədqiqatın müəllifi Dr. Marianna Virtanenin fikrincə, bu əlaqə işçinin bədənində stressə daha uzun müddət məruz qalması ilə bağlıdır. Ürək xəstəliyi riskinizi artıran digər amillər arasında qeyri-sağlam qidalanma və idmanın olmaması daxildir. Maraqlıdır ki, 2009-cu ildə eyni tədqiqatçılar qrupu uzun saatlarla işləməyin yaşlı insanlarda demans riskini artırdığını aşkar ediblər. Üstəlik, bu təsir siqaret çəkmək kimi xəstəlik üçün digər risk faktorları ilə müqayisə edilə bilərdi.

Məlum olub ki, həftədə 55 və daha çox saat işləyən orta yaşlı işçilərin beyin funksiyaları 40 saat işləyənlərə nisbətən daha pisdir. Beyin fəaliyyəti müxtəlif intellekt, qısa yaddaş və sözləri yadda saxlamaq qabiliyyəti testlərindən istifadə edilərək qiymətləndirilib.

Mənbə: medicforum.ru