Yuxusuzluq beynin həcminə təsir edir

Neurology jurnalı yuxunun beyinə təsiri ilə bağlı araşdırmanın nəticələrini dərc edib. Alimlər belə qənaətə gəliblər ki, müntəzəm yuxu pozğunluğu yaşla birlikdə beyin həcminin azalmasına səbəb ola bilər.

Təcrübədə 20 yaşdan 84 yaşa qədər 147 könüllü iştirak edib. Tədqiqatçılar onların yuxusunun keyfiyyətinə və müddətinə, eləcə də yuxuya getmə və oyanmaqda çətinlik çəkdiklərini araşdırıblar. Təcrübə zamanı MRT vasitəsilə iştirakçıların beyin həcmi 3,5 il fasilə ilə iki dəfə ölçüldü.

Məlum olub ki, yuxu problemi olan könüllülərin 35%-nin beyin həcmində azalma müşahidə olunub. Alimlərin fikrincə, bu atrofiya əsasən 60 ildən sonra baş verib. İndi onlar başa düşməlidirlər ki, yuxu pozğunluğunun hansı dərəcəsində yuxusuzluq beyin kiçilməsinin səbəbi və ya nəticəsi olur.

Neyroloqlar əmindirlər ki, yuxu beyin üçün kritik əhəmiyyətə malikdir, baxmayaraq ki, onun təsirinin xüsusi mexanizmləri hələ də öyrənilməlidir. Bir şey aydındır - beyin sağlamlığı üçün mənfi nəticələrdən qaçınmaq üçün yuxunun keyfiyyətini, xüsusən də yaşla izləmək lazımdır.