Üzüm və süd məhsulları sümükləri gücləndirir

Amerikalı alimlər müəyyən ediblər ki, tərəvəz və meyvələrin tərkibində olan bor mikroelementi qocalıqda sümükləri vaxtından əvvəl aşınmadan qorumağa kömək edir. Üzümdə ən çox bor turşusu duzları var. Alimlər deyirlər ki, yalnız bir stəkan şirə və ya şərabda bir milliqram bor var. Alma, armud, badam, gavalı və yerkökü də borla zəngindir. Tədqiqatda ən yaxşı nəticələri gündə 3 milliqram “üzüm” bor istehlak edən 45 yaşdan yuxarı qadınlar göstərib.

Daha bir incəliyi bilməyə dəyər: borun qoruyucu təsirinin şərti kifayət qədər miqdarda kalsiumdur. Yəni, effekti tamamlamaq üçün insan meyvə-tərəvəzlə yanaşı, kalsiumla zəngin süd məhsulları da yeməlidir.